YangiliklarMasofaviy kurslarKutubxonaVebinarMarkazlar
 UZ   RU   EN   

“O‘zbekistonda oliy ta’lim tizimida ta’lim jarayonlarini modernizatsiyalash va internatsionalizatsiyalash: loyiha natijalarini baholash va ommalashtirish” mavzusidagi anjuman
2018-09-10

           O‘zbekiston Respublikasi Prezidentining 2017 yil 20 apreldagi “Oliy ta’lim tizimini yanada rivojlantirish chora-tadbirlari to‘g‘risida”gi PQ-2909-son va 2017 yil 27 iyuldagi “Oliy ma’lumotli mutaxassislar tayyorlash sifatini oshirishda iqtisodiyot sohalari va tarmoqlari ishtirokini yanada kengashtirish chora-tadbirlari to‘g‘risida”gi 3151-son qarorlari ijrosini ta’minlash, ilg‘or xorijiy tajribani o‘rgangan holda ta’lim jarayoniga o‘qitishning innovatsion, zamonaviy pedagogik va axborot-kommunikatsiya texnologiyalarini joriy etish, pedagog kadrlarning ilmiy va ilmiy-pedagogik faoliyati natijalarini inobatga olgan holda tabaqalashtirilgan uzluksiz malaka oshirish jarayonlarini takomillashtirish, malaka oshirishning muqobil shakllarini amaliyotga joriy etish borasida Oliy va o‘rta maxsus ta’lim vazirligi tomonidan tizimli ishlar amalga oshirilmoqda.

           Bu boradagi ishlar samaradorligini oshirishda Yevropa  Komissiyasi Erasmus+ dasturining “O‘zbekistonda oliy ta’lim tizimida ta’lim jarayonlarini modernizatsiyalash va internatsionalizatsiyalash” (IMEP)  loyihasi o‘zining ijobiy natijalarini bermoqda.

O‘zbekistonda oliy ta’lim tizimida ta’lim jarayonlarini modernizatsiyalash va internatsionalizatsiyalash” loyihasi (IMEP)  O‘zbekistondagi 5 ta OTM,  O‘zbekistondagi Britaniya Kengashi, Oliy va o‘rta maxsus ta’lim vazirligi huzuridagi Bosh ilmiy-metodik markaz, shuningdek   Rezekne texnologiya akademiyasi (Latviya),  London Metropolitan Universiteti (Buyuk Britaniya), Peloponnes Universiteti (Gretsiya) bilan hamkorlikda amalga oshirilgan.

           Mazkur loyiha O‘zbekiston oliy ta’lim muassasalarining turli ehtiyojlari va o‘ziga xos talablarini aks ettirgan holda oliy ta’lim jarayonlarini modernizatsiya qilish, malaka oshirish, sifatni ta’minlash, talabalar va ish beruvchilarni ta’lim jarayonlariga jalb qilish masalalarini qamrab olgan.

           Anjumandan ko‘zlangan maqsad ham aynan loyiha doirasida erishilgan mazkur natijalarni baholash va ommalashtirishga qaratiladi.

Anjumanda  Oliy va o‘rta maxsus ta’lim vaziri o‘rinbosari U.Begimkulov, loyihaning O‘zbekistondagi hamkorlari bo‘lgan oliy ta’lim muassasalari,  ommaviy axborot vositalarining vakillari, O‘zbekistondagi Yevropa delegatsiyasining boshlig‘i Eduards Stiprays, Rezekne texnologiya akademiyasi rektori Edmunds Teyrumniyeks, O‘zbekistondagi Erasmus+ milliy ofisi, O‘zbekistondagi Britaniya Kengashi mutaxassislari, shuningdek professor Velta Lyubkina (Latviya),  London Metropolitan Universiteti professorlari Aleks Kruglov, Jon Gabriyel (Buyuk Britaniya), xorijlik talabalar ishtirok etadilar.

           Anjuman davomida ishtirokchilar tomonidan loyiha natijalari asosida  O‘zbekiston rivojlanishining ustuvor yo‘nalishlariga muvofiq ishlab chiqilgan malaka oshirish dasturlarini takomillashtirish, oliy ta’lim muassasalari pedagog kadrlarining uzluksiz malakasini oshirishda samarali yondashuvni yaratish, talabalar va ish beruvchilarni ta’lim sifatini ta’minlash jarayonlariga jalb etish, oliy ta’lim muassasalarida ta’lim sifatini baholash va nazorat qilish bo‘yicha tavsiyalar xususidagi ma’ruzalari, fikr-mulohazalari, shuningdek loyihaning natijalari to‘plami taqdimoti bo‘lib o‘tadi.

           Shu bilan birga, anjuman davomida xorijiy  oliy ta’lim muassasalari bilan hamkorlik aloqalarini kengaytirish bo‘yicha istiqbol vazifalar muhokama qilinadi.


So`nggi yangiliklar
AlMaU bilan hamkorlik aloqalari

      Joriy yilning 4 dekabr kuni Bosh ilmiy-metodik ... 2018-12-04

Scopus va ScienceDirect xalqaro ilmiy-texnik ma`lumotlar bazalaridan foydalanish bo`yicha seminar

      Oliy va o`rta maxsus ta`lim vazirining 2018 yil... 2018-11-16

O‘zbekistonda o‘qituvchilar tayyorlashda gender yondashuv masalalari

     2018 yil 7 noyabr kuni Oliy va o‘rta maxsu... 2018-11-07

Tinglovchilar Oqsaroy majmuasiga tashrif buyurishdi

     2018 yil 12 oktabr kuni Oliy va o’rta maxsus ta’lim vazirligi huz... 2018-10-12

Halqaro hamkorlik aloqalari

     Oliy va o‘rta maxsus ta’lim vazirligi huzuridagi Bosh ilmiy-metod... 2018-10-09

1 oktabr - O‘qituvchi va murabbiylar kuni!

            O‘zbekiston Respublikasi... 2018-09-29

“Oliy ta’limdagi innovatsion islohotlar”

            Britaniya Kengashi O&lsquo... 2018-09-28

“O‘zbekistonda oliy ta’lim tizimida ta’lim jarayonlarini modernizatsiyalash va internatsionalizatsiyalash: loyiha natijalarini baholash va ommalashtirish” mavzusidagi anjuman

           O‘zbekiston Respublik... 2018-09-10

Bosh ilmiy-metodik markazda trenerlar tayyorlovchi maxsus seminar boshlandi

      O‘zbekiston Respublikasi Oliy va o‘... 2018-08-16