YangiliklarMasofaviy kurslarKutubxonaVebinarMarkazlar
 UZ   RU   EN   

Erasmus+ loyihasi doirasidagi dastlabki uchrashuv
2016-03-20

2016 yil 15-19 mart kunlari Yevropa Komissiyasining Erasmus+ loyihasi doirasida  Oliy va o‘rta maxsus ta’lim vazirligi huzuridagi Bosh ilmiy-metodik markazda Rezekne texnologiya akademiyasi (Latviya),  Peloponnes Universiteti (Gretsiya), O‘zbekistondagi Britaniya Kengashi va respublikamizdagi 7 ta oliy ta’lim muassasalari bilan birgalikda  bajarilayotgan “O‘zbekistonda oliy ta’lim jarayonlarini modernizatsiyalash va internalizatsiyalash” mavzusidagi loyiha a’zolarining uchrashuvi bo‘lib o‘tdi.

Rezekne texnologiya akademiyasi (Latviya), Peloponnes Universiteti (Gretsiya)dan tashrif buyurgan mehmonlar 2016 yil 15 mart kuni Toshkent xalqaro aeroportida kutib olindi.

 

Tasdiqlangan dastur doirasida 2016 yil 15 mart kuni  chet ellik hamkorlar bilan Toshkent davlat pedagogika universitetida uchrashuv bo‘lib o‘tdi. Uchrashuv davomida mehmonlar universitet faoliyati, uning 85 yillik tarixi va  muzeyi bilan yaqindan tanishdilar. Rezekne texnologiya akademiyasi professori  Svetlana Uska  universitet  katta ilmiy-xodim izdanuvchilari va magistrantlari uchun  “Pedagogik tadqiqotlar dizayni: son va sifat tadqiqot metodlari, triangulyatsiya” mavzusida ma’ruza o‘qib berdi.

Shu kunning o‘zida mehmonlar O‘zbekiston davlat jahon tillari universitetining yangi ta’mirdan chiqqan binosini borib ko‘rishdi. Universitet prorektori, professor-o‘qituvchilari hamda katta ilmiy-xodim izlanuvchilari ishtirokida davra suhbati bo‘lib o‘tdi.

Shu kuni mehmonlar Oliy va o‘rta maxsus ta’lim vazirligi huzuridagi Bosh ilmiy-metodik markazga tashrif buyurishdi. Mehmonlarni markaz direktori Uzokboy Begimkulov kutib oldi va hamkorlar ishtirokida loyiha menejerlarining yig‘ilishi bo‘lib o‘tdi.

2016 yil 16 mart kuni Oliy va o‘rta maxsus ta’lim vazirligi huzuridagi Bosh ilmiy-metodik markazda loyiha doirasidagi birinchi uchrashuvning  tantanali ochilish tadbiri  bo‘lib o‘tdi.

Tadbirning ochilishida Oliy va o‘rta maxsus ta’lim vazirining o‘rinbosari B. Usmonov, Yevropa Komissiyasining O‘zbekiston Respublikasidagi delegatsiyasi  boshlig‘i Yu. Shterk, Rezekne texnologiya Akademiyasining prorektori G.Stords, O‘zbekistondagi Erasmus+ Milliy ofisi koordinatori A.Abduraxmonova, O‘zbekistondagi Britaniya Kengashi direktori Mark Krossi, Bosh ilmiy-metodik markaz direktori U.Begimqulovlar  so‘zga chiqib, loyiha  ishtirokichlarini tabrikladilar.

16-17 mart kunlari Bosh ilmiy-metodik markazda  loyiha a’zolari va chet ellik mehmonlar  loyiha doirasidagi ish rejalari, moliyaviy masalalarni  muhokama qildilar.

17 mart kuni kech soat 19.15 da mehmonlar Buxoroga uchib ketishdi. Buxoroda mehmonlarni Buxoro davlat universiteti rektori A.To‘laganov, universitet huzuridagi mintaqaviy markaz direktori B.Adizov va boshqalar kutib oldi.

18 mart kuni mehmonlar Buxoro davlat universitetida amalga oshirilayotgan ishlar, pedagog kadrlarni qayta tayyorlash va malakasini oshirish mintaqaviy markazining ish faoliyati bilan tanishdilar, loyiha dirasidagi hamkorlik rejalarini muhokama qildilar. Shuningdek, mehmonlar qayta tayyorlash va malaka oshirish kursi  tinglovchilari bilan uchrashib, suhbatlashdi va Rezekne texnologiya Akademiyasining professori G.Marzano kursi tinglovchilariga “Ta’lim sifatini baholash tamoyillari” mavzusida ma’ruza o‘qib berdi.

Kunning ikkinchi yarmida mehmonlar bilan Buxoro shahrining diqqatga sazovor joylariga sayohat tashkil etildi.

19 mart kuni ertalab mehmonlar Buxoro shahridan Toshkentga uchib kelishdi. Shu kuni Bosh ilmiy-markazda loyiha ishtirokichlari bilan loyiha doirasidagi qilinadigan ishlar, hisobotlarni tayyorlash va taqdim etish va navbatdagi uchrashuvlarni o‘tkazish bilan bog‘liq tashkiliy masalalar muhokama etildi.

Shu kuni Rezekne texnologiya Akademiyasining professori G.Marzano Bosh ilmiy-markazda tashkil etilgan “Ta’lim sifati menejmenti” kursi tinglovchilariga “Oliy ta’limda sifatni ta’minlashning ustuvor yo‘nalishlari” mavzusida ma’ruza o‘qib berdi. Tushdan keyin mehmonlar shaharning diqqatga sazovor joylariga sayohat tashkil etildi.

2016 yil 19 mart kuni kech soat 24.00 da mehmonlar Toshkent xalqaro aeroportiga kuzatib qo‘yildi.


So`nggi yangiliklar
Amerika Qoshma shtatlaridagi Vebster universitetining Toshkentdagi filiali ochilishi togrisida

            O‘zbekiston Respubli... 2018-05-08

Ijodiy uchrashuv

            Joriy yilning 8 may kuni B... 2018-05-08

Pedagog kadrlarni qayta tayyorlash va malakasini oshirish tizimini takomillashtirish

            Joriy yilning 21 aprel kun... 2018-04-21

OTM pedagog kadrlarining malakasini oshirish tizimi: tajriba, yutuqlar va rivojlanish istiqbollari

            Joriy yilning 18 aprel k... 2018-04-18

Ta`lim dasturlarini takomillashtirishga innovatsion yondoshuvlar

            O`zbekiston Respublikasi P... 2018-03-01

Alisher Navoiy hamda Zahiriddin Muhammad Boburlarning tavallud kunlari, hayoti va ijodiga bagishlab o`tkazilgan tadbir

           O`zbekiston Milliy universi... 2018-02-15

Webinar texnologiyalari asosida umumtalim maktablari fan oqituvchilariga metodik komak berilishi yolga qoyildi

        Vazir o‘rinbosarlari, boshqarma va... 2018-02-03

Islom Karimov mustaqil O`zbekiston asoschisi

    Davlatimiz rahbari Shavkat Mirziyoyevning 2017 yil 25 ... 2018-01-27

IMEP loyihasining monitoring yigilishi

2018 yil 16 yanvarda Bosh ilmiy-metodik markazda Erasmus + dasturi d... 2018-01-16