YangiliklarMasofaviy kurslarKutubxonaVebinarMarkazlar
 UZ   RU   EN   

Oliy ta`lim yo`nalishida xalqaro hamkorlik
2016-06-08

Poytaxtimizda mamlakatimizdagi oliy ta’lim jarayonini takomillashtirishga bag‘ishlangan xalqaro ilmiy-amaliy konferensiya bo‘lib o‘tdi. Unda oliy ta’lim muassasalari rektorlari, pedagoglar, xorijlik mutaxassislar ishtirok etdi. 

O‘zbekiston Respublikasi Oliy va o‘rta maxsus ta’lim vazirligi bosh ilmiy-metodik markazi direktori U.Begimkulov va boshqalar Prezidentimiz rahnamoligida oliy ta’lim tizimi tubdan isloh qilinishi natijasida oliy o‘quv yurtlarining ilmiy va pedagogik salohiyati hamda moddiy-texnik bazasi takomillashib borayotganini ta’kidladi. “Ta’lim to‘g‘risida”gi qonun va Kadrlar tayyorlash milliy dasturi malakali kadrlar tayyorlashning zamonaviy modelini yaratishda muhim omil bo‘lmoqda. 

Oliy ta’lim muassasalari professor-o‘qituvchilarining malakasini oshirish, bu borada xorijlik mutaxassislar bilan tajriba almashish, o‘quv-reja va dasturlarni modernizatsiyalash va takomillashtirish masalasiga alohida e’tibor qaratilmoqda. 

Davlatimiz rahbarining 2015-yil 12-iyundagi “Oliy ta’lim muassasalarining rahbar va pedagog kadrlarini qayta tayyorlash va malakasini oshirish tizimini yanada takomillashtirish chora-tadbirlari to‘g‘risida”gi farmoni ta’lim tizimini xalqaro standartlar asosida takomillashtirishda mustahkam huquqiy asos bo‘lib xizmat qilayotir. Xalqaro standartlar asosida takomillashtirilgan o‘quv-reja va dasturlarni ishlab chiqish jarayonida Yevropa komissiyasining “Erasmus+” modernizatsiya jarayonlarida texnik hamkorlik dasturi doirasida samarali ishlar yo‘lga qo‘yildi. 

O‘zbekiston Respublikasi Oliy va o‘rta maxsus ta’lim vazirligi ushbu loyiha doirasida Buyuk Britaniya, Gretsiya, Latviya va boshqa davlatlarning nufuzli universitetlari bilan hamkorlik o‘rnatgan. “O‘zbekistonda oliy ta’lim jarayonlarini modernizatsiyalash va internatsionallashtirish” loyihasi doirasida pedagog kadrlarning kasb mahoratini oshirish, oliy ta’limning turli sohalari bo‘yicha ta’lim berishning uzviyligini ta’minlash, ilg‘or xorijiy tajribalar asosida ta’lim dasturlarini takomillashtirishga alohida e’tibor qaratilmoqda. 

Anjumanda joriy yil aprel-may oylarida Yevropa universitetlarining yetakchi professorlari bilan hamkorlikda mamlakatimizdagi tayanch oliy ta’lim muassasalari huzuridagi pedagog kadrlarni qayta tayyorlash va ularning malakasini oshirish markazlari professor-o‘qituvchilari uchun o‘tkazilgan seminar-trening natijalari tahlil etildi. 



– O‘zbekistonda zamonaviy pedagogik va axborot-kommunikatsiya texnologiyalaridan foydalangan holda kadrlar tayyorlash tizimi tubdan takomillashtirilayotganiga guvoh bo‘ldim, – deydi Latviyaning Rezekne texnologiya akademiyasi professori Velta Lyubkina. – Bular yurtingizda yosh avlodning intellektual salohiyatini oshirishga xizmat qiladi. 

Konferensiyada oliy ta’lim sohasidagi xalqaro hamkorlik doirasida amalga oshirilgan ishlar va istiqboldagi vazifalar xususida fikrlashildi. 


So`nggi yangiliklar
Talim sifatini taminlashda ilmiy tadqiqotchilik faoliyatining o`rni

       O`zbekiston Respublikasi Prezidentining &... 2017-11-27

Talabalar ilmiy marifiy markazi: xalqaro tajriba va istiqbol rejalar

     O`zbekiston Respublikasi Vazirlar Maxkamasining ... 2017-11-23

Tayanch doktoranturaga kirish imtixonlari
  1. Bosh ilmiy-2017-11-20
Ish beruvchilarning talim mazmunini shakllantirishdagi ishtiroki

2017 yilning 15 sentyabr kuni Bosh ilmiy-metodik markazda O`zbekisto... 2017-09-15

O`zbekiston Respublikasi mustaqilligining yigirma olti yilligi munosabati bilan bir guruh xodimlarni mukofotlash to`grisida

O`zbekiston Respublikasi Prezidentining 2017 yil 25 avgustda... 2017-09-05

Xorijliy mutaxassislar ishtirokida pedagog kadrlarning kasbiy mahorati rivojlantirilmoqda

O`zbekiston Respublikasi Prezidentining 2017 yil 20 apreldagi  ... 2017-08-16

Oliy talim muassasalari pedagog kadrlarini qayta tayyorlash va ularning malakasini oshirish tizimidagi xalqaro hamkorlik

2017 yil 7 iyun kuni O`zbekiston Milliy Matbuot markazida “Oli... 2017-06-07

Jamiyat, integratsiya, talim mavzusidagi xalqaro ilmiy-anjuman

2017 yil 23-29 may kunlari Latviya Respublikasining Rezekne Texnolog... 2017-05-30

Jismoniy tarbiya va sport sohasiga ilgor xorijiy tajribalarni joriy etish

O`zbekiston Respublikasi Prezidentining “Oliy  ta’lim  tizimini yanada rivo... 2017-05-10