YangiliklarMasofaviy kurslarKutubxonaVebinarMarkazlar
 UZ   RU   EN   

Bosh ilmiy-metodik markazda birinchi prezidentimiz Islom Karimovning yorqin xotirasiga bag’ishlangan «Mustaqil davlat asoschisi» mavzusida ma’naviy-ma’rifiy tadbir bo`lib o`tdi
2017-01-30

2017 yil 30 yanvar kuni Bosh ilmiy-metodik markazda O`zbekiston Respublikasining birinchi Prezidenti Islom Karimovning tavallud kuni munosabati hamda yorqin xotirasiga bag’ishlangan «Mustaqil davlat asoschisi» mavzusida ma’naviy-ma’rifiy tadbir tashkil qilindi. Tadbirda birinchi prezidentimiz I.Karimovning sinfdoshi professor Sh.Sharopov, Bosh ilmiy-metodik markaz qayta tayyorlash va malaka oshirish kursi o`qituvchisi, professor O.Musurmonova, markaz xodimlari, shuningdek tinglovchilar ishtirok etishdi.

Tadbirda Sh.Sharopov birinchi prezidentimiz I.Karimovning maktab davridagi xotiralaridan, bo`lajak prezidentning bilimi, iqtidori, fazilatlari va xislatlari haqida to`lqinlanib gapirib berdi. Shuningdek, u kishining yoshlik davri, intilishlari, yangilik yaratishga bo`lgan izlanuvchanligi, do`stlik va birodarlik fazilatlarini ta’kidladi.

 

«Bizning maktab davrlarimiz 1945-1955 yillar oralig’ida bo`lib, hayotimiz och, nochor va iqtisodiy og’ir ahvolda bo`lgan davrlarda kechgan. Ana shunga qaramasdan biz qunt bilan o`qir edik, izlanishdan to`xtamas edik. Ayniqsa, Islom Karimov o`zining zehni va o`qishga bo`lgan qiziqishi tufayli hamma fanlarni vaqtida o`zlashtirar va a’lo baholarga o`qir edi. Uning tafakkuri keng va eslab qolish xotirasi kuchli, ko`p jihatlari bilan sinfdoshlar orasida ildam edi» - deydi Sh.Sharopov.

Professor O.Musurmonova: «Prezidentimiz I.Karimov faoliyati davomida mamlakatimizda iqtisodiy islohotlar bilan bir vaqtda ijtimoiy islohotlarga alohida e’tibor qaratdilar. Ayniqsa, fan-ta’lim, sog’liqni saqlash, ijtimoiy himoya, hatto xotin-qizlar masalalari ham tub islohotlar zamirida turdi. Jamiyatda oila va mahalla, keksalar va yoshlar masalalariga alohida yondashildi. U kishining hayoti ish vaqti chegara bilmas, tinimsiz izlanish va mehnatda o`tdi»

 

Bugun birinchi Prezidentimizning sa’y-harakati, oqilona va odilona serqirra siyosati bilan davlatimiz mustabid tuzum qaramligidan ozod bo`ldi, mamlakatimiz dunyo hamjamiyatida munosib o`rin oldi, jamiyatimiz rivojlandi, xalqimiz tinch-farovon hayot kechirmoqda. Xalqimiz Islom Karimov shaxsiga bo`lgan mehru-muhabbatini, uning serqirra siyosiy faoliyati, olijanob insoniy fazilatlarini e’tirof etib hech qachon charchamaydi.


So`nggi yangiliklar
AlMaU bilan hamkorlik aloqalari

      Joriy yilning 4 dekabr kuni Bosh ilmiy-metodik ... 2018-12-04

Scopus va ScienceDirect xalqaro ilmiy-texnik ma`lumotlar bazalaridan foydalanish bo`yicha seminar

      Oliy va o`rta maxsus ta`lim vazirining 2018 yil... 2018-11-16

O‘zbekistonda o‘qituvchilar tayyorlashda gender yondashuv masalalari

     2018 yil 7 noyabr kuni Oliy va o‘rta maxsu... 2018-11-07

Tinglovchilar Oqsaroy majmuasiga tashrif buyurishdi

     2018 yil 12 oktabr kuni Oliy va o’rta maxsus ta’lim vazirligi huz... 2018-10-12

Halqaro hamkorlik aloqalari

     Oliy va o‘rta maxsus ta’lim vazirligi huzuridagi Bosh ilmiy-metod... 2018-10-09

1 oktabr - O‘qituvchi va murabbiylar kuni!

            O‘zbekiston Respublikasi... 2018-09-29

“Oliy ta’limdagi innovatsion islohotlar”

            Britaniya Kengashi O&lsquo... 2018-09-28

“O‘zbekistonda oliy ta’lim tizimida ta’lim jarayonlarini modernizatsiyalash va internatsionalizatsiyalash: loyiha natijalarini baholash va ommalashtirish” mavzusidagi anjuman

           O‘zbekiston Respublik... 2018-09-10

Bosh ilmiy-metodik markazda trenerlar tayyorlovchi maxsus seminar boshlandi

      O‘zbekiston Respublikasi Oliy va o‘... 2018-08-16