Joriy yilning 20-iyul kuni Samarqandda Sharof Rashidov nomidagi Samarqand davlat universiteti huzuridagi pedagog kadrlarni qayta tayyorlash va ularning malakasini oshirish mintaqaviy markazi hamda Farg‘ona davlat universiteti huzuridagi pedagog kadrlarni qayta tayyorlash va ularning malakasini oshirish mintaqaviy markazi o‘rtasida hamkorlik memorandumi imzolandi.
Hamkorlik doirasida:
✅ malaka oshirish kurslarini tashkil etish bo‘yicha tajriba almashish;
✅ o‘quv-metodik materiallarni takomillashtirish;
✅ professor-o‘qituvchilar hamda trenerlarning kasbiy kompetensiyalarini rivojlantirish;
✅ sun’iy intellekt va raqamli ta’lim texnologiyalarini amaliyotga joriy etish;
✅ qo‘shma ilmiy-amaliy konferensiyalar, forumlar va tadqiqotlarni amalga oshirish rejalashtirilgan.
Ushbu hamkorlik ikki mintaqaviy markaz o‘rtasidagi aloqalarni mustahkamlash, pedagoglarning kasbiy va raqamli kompetensiyalarini rivojlantirish hamda ta’lim tizimida ilg‘or tajribalarni keng ommalashtirishga xizmat qiladi.
