Anjumanda Oliy ta’lim tizimi kadrlarini qayta tayyorlash va malakasini oshirish instituti direktorining o‘rinbosari I.I. Isomov hamda Kasbiy ta’limni rivojlantirish instituti direktorining o‘rinbosari D.U. Ro‘ziyev tabrik so’zlari bilan ishtirok etishdi.
Tarmoq markazi direktori G.A. Ixtiyarova konferensiya doirasida bildiriladigan ilmiy g‘oyalar, ilg‘or tajribalar va amaliy takliflar pedagog kadrlar tayyorlash tizimini takomillashtirish, ta’lim sifati va samaradorligini oshirishga xizmat qilishini ta’kidladi.
Tadbirning birinchi kunida konferensiya rasman ochilib, dolzarb mavzular yuzasidan yalpi ma’ruzalar tinglandi. 24-dekabrda konferensiya o‘z ishini davom ettirdi va sho‘balarda ma’ruzalar tinglandi. Tadbir yakunida konferensiyada faol ishtirok etgan ma’ruzachilar va ishtirokchilarga sertifikatlar tantanali ravishda topshirildi. Anjuman yuqori saviyada, samarali va mazmunli tarzda o‘tkazildi.
