Oliy ta’lim tizimi kadrlarini qayta tayyorlash va malakasini oshirish institutida O‘zbekiston Respublikasi davlat mustaqilligining 35 yilligi munosabati bilan “Yagona Vatan, yagona xalq bo‘lib, yangi hayot va kelajak yarataylik!” shiori ostida “Mustaqillik darsi” o‘tkazildi.
Darsda milliy mustaqilligimizning tarixiy ahamiyati, yurtimizda amalga oshirilayotgan keng ko‘lamli islohotlar, inson qadrini yuksaltirish, ta’lim va ilm-fanning jamiyat taraqqiyotidagi o‘rni haqida fikrlar bildirildi.
Shuningdek, tinchlik va barqarorlikni asrash, Vatanga sadoqat, milliy qadriyatlarga hurmat va mamlakatimiz kelajagi uchun mas’uliyat hissini yanada mustahkamlash muhimligi ta’kidlandi.
Milliy davlatchiligimiz, o‘zligimiz va insoniy haq-huquqlarimizni tiklab bergan, barcha yutuq va marralarimizning zamini bo‘lgan Mustaqillik kuni biz uchun, kelgusi avlodlar uchun doimo eng ulug‘, eng aziz bayram bo‘lib qoladi.
