YangiliklarMasofaviy kurslarKutubxonaVebinarMarkazlar
 UZ   RU   EN   

Ozbekistonda oqituvchilar tayyorlashda gender yondashuv masalalari
2018-11-07

     2018 yil 7 noyabr kuni Oliy va o‘rta maxsus ta’lim vazirligi huzuridagi Bosh ilmiy-metodik markazda YUNESKOning O‘zbekistondagi vakolatxonasi bilan hamkorlikda “O‘zbekistonda o‘qituvchilar tayyorlashda gender yondashuv masalalari” mavzusidagi o‘quv seminari bo‘lib o‘tdi.

    Tadbirni Oliy va o‘rta maxsus ta’lim vazirining o‘rinbosari U.Begimqulov kirish so‘zi bilan ochib,  bugungi kunda oliy ta’lim tizimida ta’lim sifatini oshirish, xalqaro hamkorlikni rivojlantirish, o‘quv jarayoniga ilg‘or xorijiy tajribalarni keng tadbiq etish, shuningdek malakali mutaxassislar tayyorlashning istiqbol yo‘nalishlari bo‘yicha amalga oshirilayotgan ishlar va bu borada gender masalalarining ahamiyati xususida to‘xtalib o‘tdi.

      Seminarda YUNESKOning O‘zbekistondagi vakolatxonasi rahbari v.v.b. Pilar Alvarez-Laso xonim ham ishtirok etib, gender masalalari Birlashgan millatlar tashkiloti Bosh Assambleyasining 70 yillik yubiley sessiyasida qabul qilingan “2030 yilllarda Barqaror rivojlanish maqsadlari”da hamda YUNESKOning ustuvor yo‘nalishlaridan biri sifatida belgilanganligini qayd etdi. Shu bilan birga, Pilar Alvarez-Laso xonim O‘zbekistonda  ta’lim tizimi, mutaxassislar tayyorlash sohasida amalga oshirilayotgan islohotlarda gender masalalariga alohida e’tibor qaratilishi, o‘tkazilayotgan seminar mazkur sohadagi ijobiy natijalarga xizmat qilishi  xususida o‘z fikrlarini bildirdi.

    O‘quv seminarida oliy ta’lim muassasalari rahbar kadrlarini qayta tayyorlash va malakasini oshirish kursi tinglovchilari, tadqiqotchilar ishtirok etib, o‘qituvchilar tayyorlash, malakasini oshirish tizimida gender masalalarining e’tiborga olinishi, mazkur sohadagi ilmiy tadqiqotlarni rivojlantirish kabi yo‘nalishlarda yangi ma’lumotlarni olishdi va tajriba almashishdi.

        Seminar yakunida ishtirokchilarga sertifikatlar, o‘quv-metodik materiallar tarqatildi.

     Navbatdagi bosqichlarda mazkur yo‘nalishdagi seminarlar Toshkent davlat pedagogika universiteti, Nukus davlat pedagogika instituti, Buxoro davlat universiteti, Farg‘ona davlat universiteti hamda Samarqand davlat  universitetilarida o‘tkazilishi rejalashtirilgan.


So`nggi yangiliklar
Oliy Majlisining Inson huquqlari boyicha Vakili (Ombusman) bilan uchrashuv

      Joriy yilning 15 mart kuni Bosh ilmiy-metodik m... 2019-03-15

Daniyalik olimlar ishtirokida ilmiy seminar

Oliy va o`rta maxsus ta`lim vazirligi huzuridagi Bosh ilmiy-metodik ... 2019-03-04

Talim dasturlarini ishlab chiqishda zamonaviy yondashuvlar

     Oliy va o`rta maxsus ta’lim vazirligi hamd... 2019-02-21

Nanotexnologiyalarning rivojlanish istiqboli

     Oliy va o`rta maxsus ta’lim vazirligi huzu... 2019-02-19

BIMM va AlmaU o`rtasida memorandum imzolandi

      Joriy yilning 11-12 fevral kunlari Bosh ilmiy-m... 2019-02-12

Scopus va ScienceDirect xalqaro ilmiy-texnik malumotlar bazalaridan samarali foydalanish

      Oliy va o`rta maxsus ta’lim vazirligi huz... 2019-01-30

Talim va fan sohasidagi ayollarning liderlik qobiliyatlarini rivojlantirish

      Oliy va o`rta maxsus ta’lim vazirligi ham... 2019-01-29

O`zbekistonda innovatsion va tadbirkorlik salohiyatining rivojlanishi

      O`zbekiston Respublikasi Prezidenti huzuridagi ... 2019-01-24

Oliy talimni rivojlantirishning zamonaviy tendentsiyalari: xalqaro tajribalar va O`zbekiston amaliyoti

      O`zbekiston Respublikasi Prezidentining “... 2019-01-23