Mashg’ulot davomida tinglovchilar Akademiyaning ilmiy-tadqiqot faoliyati, ilmiy yo’nalishlari va tadqiqot natijalarini amaliyotga joriy etish mexanizmlari bilan yaqindan tanishdilar. Akademiya mutaxassislari rahbar kadrlar kompetensiyalarini baholash va rivojlantirish borasida to’plangan tajribani, shuningdek, baholash mezonlari va kadrlar salohiyatini oshirish yo’nalishlarini tushuntirib berdilar.
Tinglovchilar savol-javob va ochiq muloqot jarayonida o’z amaliy tajribalarini baham ko’rib, tashkilotlarida ilmiy-innovatsion faoliyatni boshqarishdagi muammolar va ularning yechimlari bo’yicha takliflar bildirdilar. Ular bunday ko’chma mashg’ulotlar o’quv jarayonini amaliyotga yaqinlashtirishini, boshqa tashkilotlar tajribasini o’rganish orqali yangi g’oyalar va hamkorlik imkoniyatlari paydo bo’lishini ta’kidladilar.
Mashg’ulot yakunida o’rganilgan tajribani kurs davomida va keyingi kasbiy faoliyatda qo’llash, shuningdek, institut va Akademiya o’rtasidagi hamkorlikni davom ettirish masalalari muhokama qilindi.
Oliy ta’lim tizimi kadrlarini qayta tayyorlash va malakasini oshirish institutining “Ta’lim sifati menejmenti” hamda “Ilmiy-innovatsion faoliyat menejmenti” yo’nalishlari bo’yicha malaka oshirish kurslari tinglovchilari uchun Davlat siyosati va boshqaruvi akademiyasida ko’chma mashg’ulot tashkil etildi.
Fotogalereya
