Ushbu maqola hozirgi kunda dunyoda geosiyosiy ziddiyatlar avj olgan bir paytda xalqlar va madaniyatlararo o‘zaro ishonch ko‘priklarini mustahkamlashga qaratilgan bo‘lib, bu borada bag‘rikenglik (tolerantlik) shunchaki nazariy tushuncha emas, balki jamiyatning barqaror taraqqiyotini ta’minlovchi muhim qadriyatga aylangan.
Prezidentimiz ta’kidlaganlaridek: “Jamiyatda tinchlik va osoyishtalikni mustahkam qaror toptirishning eng muhim tamoyillaridan biri ijtimoiy va diniy bag‘rikenglikdir.”
Ushbu tamoyillarni amalga oshirishda sport muhim vosita vazifasini bajarmoqda. Sport maydonlarida turli millat va elat vakillari yagona maqsad yo‘lida birlashib, o‘zaro hurmat va do‘stlik ruhida faoliyat yuritadi. Musobaqalar davomida shakllanadigan sabr, hamkorlik va raqibga nisbatan hurmat kabi fazilatlar yoshlarda bag‘rikeng dunyoqarashni tarkib toptiradi.
Buning yaqqol isbotini yaqinda futbol bo‘yicha O‘zbekiston milliy terma jamoasining jahon chempionatidagi ishtiroki misolida ko‘rish mumkin bo‘ldi – nafaqat vatandoshlarimiz, balki qardosh Markaziy Osiyo xalqlari ham bir jon-u bir tan bo‘lib terma jamoamizni qo‘llab-quvvatladi. Bu sport orqali shakllanadigan “yumshoq diplomatiya”ning eng oliy namunasidir.
