Darslar davomida mamlakatimizning mustaqillik yillarida bosib o‘tgan sharafli taraqqiyot yo‘li, erishilgan yutuqlar, xalqimiz hayotida yuz bergan ijobiy o‘zgarishlar hamda bugungi bunyodkorlik va yangilanish jarayonlari haqida fikr almashildi.
Shuningdek, mustaqillikning bebaho ne’mat ekani, tinchlik va osoyishtalikni asrash, milliy qadriyatlarimizni e’zozlash, yurt ravnaqi va xalq farovonligiga munosib hissa qo‘shish har bir fuqaroning muhim vazifasi ekani alohida ta’kidlandi.
“Mustaqillik darslari” ochiq muloqot va fikr almashuvlar asosida tashkil etilib, tinglovchilarning mamlakatimizda amalga oshirilayotgan islohotlar, bunyodkorlik ishlari va Yangi O‘zbekiston taraqqiyotiga oid bilim hamda tasavvurlarini yanada boyitishga xizmat qildi.
Dars mashg'ulotlari ko‘tarinki ruhda, mazmunli va ta’sirchan tarzda o‘tkazilib, ishtirokchilarda Vatanga daxldorlik, milliy g‘urur va istiqlol qadriyatlariga hurmat tuyg‘ularini yanada mustahkamlashga qaratildi.
