O‘zbekiston Respublikasi Vazirlar Mahkamasining 2012-yil 26-sentyabrdagi 278-son qarori bilan O‘zbekiston Respublikasi Oliy va o‘rta maxsus ta’lim vazirligi huzurida Oliy ta’lim tizimi pedagog va rahbar kadrlarini qayta tayyorlash va ularning malakasini oshirishni tashkil etish bosh ilmiy-metodik markazi tashkil etilgan. Keyinchalik Vazirlar Mahkamasining 2024-yil 11-iyuldagi "Oliy ta’lim tashkilotlari rahbar va pedagog kadrlarini qayta tayyorlash va malakasini oshirish tizimini samarali tashkil qilish chora-tadbirlari to‘g‘risida" 415-sonli qarori bilan mazkur markaz Oliy ta’lim, fan va innovatsiyalar vazirligi huzuridagi Oliy ta’lim tizimi kadrlarini qayta tayyorlash va malakasini oshirish instituti etib qayta nomlandi hamda institutga kurslar mazmunini kasbiy kompetentlikni rivojlantirishga yo‘naltirish, o‘quv dasturlarni ehtiyojlar asosida takomillashtirish, o‘quv jarayoniga xorijiy mutaxassislarni jalb qilish, kasbiy kompetentlik diagnostikasi va pedagogik faoliyat samaradorligi asosida tabaqalashtirilgan ta’lim dasturlarini joriy etish kabi yangi vazifalar yuklatildi.
