Yangiliklar

Seminarlar | 09/04/2025

Xorijlik mutaxassis ishtirokida seminar tashkil etildi

Joriy yilning 9-aprel sanasida "Ta'lim tizimi menejmenti" yo‘nalishidagi malaka oshirish kursi doirasida navbatdagi ilmiy-amaliy seminar bo‘lib o‘tdi. Seminar Sankt-Peterburg davlat universiteti dotsenti, yuridik fanlari nomzodi V.V. Tereshkova tomonidan "Современные тренды и тенденции в образовании" mavzusida olib borildi.

Unda V. Tereshkova tomonidan zamonaviy ta’lim tizimidagi global o‘zgarishlar, innovatsion yondashuvlar, raqamli transformatsiya jarayonlari hamda oliy ta’lim sohasida qo‘llanilayotgan ilg‘or xalqaro tajribalar haqida atroflicha ma’lumot berildi. U, shuningdek, AQSh, Buyuk Britaniya, Germaniya va boshqa rivojlangan mamlakatlar universitetlaridagi boshqaruv strategiyalari, ta’lim sifatini baholash mezonlari, hamda akademik mobillikni kuchaytirish bo‘yicha amalga oshirilayotgan tashabbuslarga alohida e’tibor qaratdi.