Yangiliklar
Seminarlar | 20/02/2026
126
“Sun’iy intellekt savodxonligi” bo‘yicha malaka oshirish kursi tashkil etildi
18–20-fevral kunlari Oliy ta’lim tizimi kadrlarini qayta tayyorlash va malakasini oshirish instituti tomonidanoliy ta’lim tashkilotlarida axborot-kommunikatsiya texnologiyalari hamda unga turdosh fanlardan dars beruvchi professor-o‘qituvchilar uchun “Sun’iy intellekt savodxonligi” yo‘nalishida qisqa muddatli malaka oshirish kursi tashkil etildi. Unda respublikaning turli hududlaridagi oliy ta’lim muassasalaridan 49 nafar professor-o‘qituvchi ishtirok etdi. Mashg‘ulotlar tajribali trenerlar tomonidan amaliy yondashuv asosida olib borilib, sun’iy intellekt texnologiyalaridan ta’lim jarayonida samarali foydalanish, o‘quv materiallarini tayyorlash, raqamli vositalar bilan ishlash hamda zamonaviy pedagogik metodlarni qo‘llash bo‘yicha ko‘nikmalarni shakllantirishga qaratildi.
Kurs yakunida tinglovchilarga sertifikatlar topshirildi.
