Yangiliklar

Uchrashuvlar | 21/01/2025

228

Rossiya ta'lim akademiyasi hamda Toshkent davlat pedagogika universiteti vakillari bilan uchrashuv

2024-yilning 23–26 iyun kunlari Rossiya Federatsiyasining Vladivostok shahrida o‘tkazilgan O‘zbekiston-Rossiya to‘rtinchi ta’lim forumi doirasida Oliy ta'lim tizimi kadrlarini qayta tayyorlash va malakasini oshirish instituti, Rossiya ta'lim akademiyasi hamda Toshkent davlat pedagogika universiteti bilan pedagogik ta’limni rivojlantirishga qaratilgan hamkorlikdagi tahliliy, tadqiqot va loyiha faoliyatini amalga oshiradigan Rossiya-O‘zbekiston pedagogik tadqiqotlar ilmiy markazi tashkil etilishi rejalashtirilgan.

Joriy yilning 21-yanvar kuni hamkor tashkilotlar bilan onlayn uchrashuv o'tkazildi. Rossiya ta'lim akademiyasi prezidenti o'rinbosari - J.V.Sadovnikova, akademiya vitse-prezidenti V.S.Basyuk, Oliy ta'lim tizimi kadrlarini qayta tayyorlash va malakasini oshirish instituti direktori – U.Sh.Begimkulov shuningdek, Toshkent davlat pedagogika universiteti prorektori - N.I.Saidahmedova so‘zga chiqib o‘z fikr-mulohazalarini bildirdilar. Muloqot davomida hamkorlar yo'lga qo'yilishi rejalashtirilayotgan Rossiya-O'zbekiston pedagogik tadqiqotlar ilmiy markaz faoliyati hamda uning ahamiyati haqida fikr almashdilar.