Yangiliklar

Tadbirlar | 08/05/2025

Inson aziz, xotira-muqaddas

Inson xotira bilan tirik, qadr bilan ulug‘. O‘tganlarni, ularning xayrli ishlarini, jasoratini yodga olmoq, e’zozlamoq xalqimizga xos ezgu fazilatlardandir.
Bugun, 2025 yil 8 may kuni Oliy ta’lim tizimi kadrlarini qayta tayyorlash va malakasini oshirish instituti xodimlari Toshkent shahar Olmazor tumanidagi “G‘alaba bog‘i” yodgorlik majmuasiga tashrif buyurib, 1941-1945 yillarda urush va mehnat frontida tinchlik uchun kurashib halok bo‘lgan jasur va matonatli o‘g‘lonlar xotirasini yod etdilar.
Yurtimizning bugungi tinch-osoyishta hayoti uchun jasorat ko‘rsatib, jonini fido qilgan vatandoshlarimiz xotirasini yod etish esa eng oliy vazifamizdir. Zero “Inson aziz, xotira-muqaddas”dir.
Vatan va xalq ozodligi, kelgusi avlodlarning baxtu-saodati yo‘lida mardlik va jasorat ko‘rsatgan insonlar xotirasi hamisha barhayot yashaydi.