Yangiliklar
Xalqaro hamkorlik | 13/05/2024
377
Federal davlat avtonom oliy ta’lim muassasasi bilan o‘zaro anglashuv Memorandumi imzolandi
2024-yil 13-may kuni Oliy ta’lim tizimi kadrlarini qayta tayyorlash va malakasini oshirish institutida Federal davlat avtonom oliy ta’lim muassasasi xalqaro aloqalar bo‘yicha prorektori Xaladov Xojaxmad Sultanovich tashrif buyurdi.
Tashrif doirasida institut rahbariyati bilan muzokaralar olib borilib, o‘zaro anglashuv Memorandumi imzolandi. Mazkur Memorandum hamkorlikdagi samarali ishlar uchun asos bo‘lib xizmat qilishi hamda rahbar va pedagog kadrlarni qayta tayyorlash ularning malakasini oshirish jarayonini rivojlantirishga yordam berishi ta’kidlab o‘tildi.
Shuningdek, X.Xaladov ishtirokida institutning “Ta’lim tizimi menejmenti” yo‘nalishi tinglovchilari uchun “Приоритеты высшего педагогического образования в сети подведомственных учреждений Минпросвещения России” mavzusida ma’ruza tashkil etildi. Unda pedagogik ta’lim tizimi, sohadagi innovatsiyalar hamda ilmiy-tadqiqot ishlari haqida ma'lumot berildi.
