Yangiliklar
Davra subatlari | 21/10/2025
84
“Til korpusi asosida o‘zbek tilining semantik tarmoqlarini modellashtirish” mavzusida davra suhbati bo‘lib o‘tdi
Bugun Oliy ta’lim tizimi kadrlarini qayta tayyorlash va malakasini oshirish institutida O‘zbek tiliga davlat tili maqomi berilganining 36 yilligi munosabati bilan “Til korpusi asosida o‘zbek tilining semantik tarmoqlarini modellashtirish” mavzusida davra suhbati bo‘lib o‘tdi.
Tadbirda Toshkent davlat o‘zbek tili va adabiyoti universiteti professori, filologiya fanlari doktori N.Z.Abdurahmonova ishtirok etdi. U o‘z ma’ruzasida hozirgi o‘zbek tilshunosligida raqamli texnologiyalar, sun’iy intellekt va til korpusi asosida yangi ilmiy yo‘nalishlar shakllanib borayotgani haqida so‘z yuritdi.
Davra suhbati davomida til korpuslarining milliy identitetni mustahkamlashdagi o‘rni, o‘zbek tilining zamonaviy kommunikatsiyadagi ahamiyati hamda til siyosatini ilmiy asosda yuritish zarurati yuzasidan fikr almashildi.
Til – millat ko‘zgusi. Uni asrash, rivojlantirish va kelajak avlodga yetkazish barchamizning muqaddas burchimizdir.
×
❮
![]()
❯
