Yangiliklar

Seminarlar | 24/11/2025

194

Prezident Shavkat Mirziyoyevning “Markaziy Osiyo — yangi davr ostonasida” maqolasi mazmun-mohiyatini o‘rganishga bag‘ishlangan seminar bo‘lib o‘tdi

Oliy ta’lim tizimi kadrlarini qayta tayyorlash va malakasini oshirish institutida Prezident Shavkat Mirziyoyevning “Yangi O‘zbekiston” gazetasida e’lon qilingan “Markaziy Osiyo — yangi davr ostonasida” sarlavhali maqolasida (https://president.uz/oz/lists/view/8653) ilgari surilgan konseptual g‘oyalarni chuqur o‘rganishga bag‘ishlangan seminar tashkil etildi.

Mazkur tadbir Oliy ta’lim, fan va innovatsiyalar vazirligining mutaxassisi Laziz Mingishov tomonidan olib borildi. Seminar davomida maqolada yoritilgan Markaziy Osiyoda shakllanayotgan yangi siyosiy muhit, davlatlar o‘rtasidagi o‘zaro ishonch, yaxshi qo‘shnichilik va mintaqaviy integratsiyaning ustuvor yo‘nalishlari haqida batafsil ma’lumotlar berildi.

Ishtirokchilar mintaqada barqarorlikni mustahkamlash, do‘stlik va hamkorlikni chuqurlashtirish, barcha davlatlar manfaatiga xizmat qiluvchi yangi taraqqiyot modelini shakllantirish bo‘yicha fikr almashdilar.

Tadbir yakunida Markaziy Osiyoning tinchlik, hamjihatlik va o‘zaro ishonchga asoslangan yangi taraqqiyot modeli bugungi kun ehtiyoji ekanligi, shuningdek, kelajak avlodlar istiqbolini belgilovchi strategik yo‘nalish sifatida alohida e’tirof etildi.